هريدى دوت كوم - مجلة ساخرة تصدر حسب التساهيل

منتدى و مجلة ساخرة يغلب عليها القالب الفكاهى و تعتنى بالحياة الاجتماعية الاسلامية مع ساحة دردشة تتم مراجعتها بصفة مستمرة و تتحدث في الموضيع الهادفة و الدينية بأسلوب شبابي مبسط و باللهجة العامية مثل هذا الموضوع: اتكلمنا عن النبوة... و عن الرسالة.. معانيهم.. و الفرق بينهم.. و كيف انها اصطفاء و هبة من الله سبحانه و تعالى..و قلنا الأنبياء و الرسل.. سفراء فوق العادة.. سفراء السماء إلى أهل الأرض..دلوقت لما دولة تختار شخص عشان يبقى سفير ليها في دولة تانية.. بيبعتوه كده بطوله للبلد التانية يقولهم انا سفير؟ لأ.. لابد من أوراق اعتماد.. تثبت صحة ادعاءه.. لابد من دليل..و كذلك الأنبياء و الرسل.. لم يرسلهم الله سبحانه و تعالى إلى الناس بدون دليل. بدون أوراق اعتماد..و كان لازم نتكلم في النقطة دي .. لأننا بنسمع كتير اليومين دول عن أناس بينسبوا إلى الأنبياء جزافا بدون دليل.. شخصيات تاريخية شهيرة.. فيه ناس ليها مزاج تنسب ليهم النبوة ..زي أخناتون مثلا.. فيه ناس مصرين يخلوه نبي بالعافية.. و تسمع كلام عجيب جدا ضمن بروباجاندا الفراعنة و حضارة الـ7000 سنة و طوبة يقولك أول دعوة الى التوحيد خرجت من مصر عندما نادى أخناتون إلى التوحيد! بالشكل ده يبقى أخناتون اتولد قبل سيدنا آدم و سيدنا نوح و هل اللي يدعو إلى عبادة صنم واحدة بدلا من 100 صنم.. يبقى بيدعو إلى التوحيد؟ على أي حال.. اللي عاوز يقول يقول.. مادام هايجيبلنا أوراق اعتماد النبوة دي علمنا ديننا.. أننا إذا نقلنا معلومة.. أن نتأكد من صحتها أولا.