محمد بن طرجم الدغيلبي

مجلس فوق السحاب دين واحد قضية واحدة هدف واحد لو سمحت؟ سم أي خدمة! ممكن بس تعطيني فكره عن هذا الموقع؟ اي نعم هذا الموقع حق واحد أسمه محمد بن طرجم الدغيلبي! ممتاز ممتاز... طيب ممكن تعرفنا أكثر على الأخ محمد بن طرجم الدغيلبي ؟ هذا طال عمرك يعني واحد يحب الشعر و الأدب وله إسهامات صحفيه في بعض الجرائد و المجلات، محب للثقافه،ولا تنسى أهم شي موضة هالايام!! وشنهي موضة هالايام؟ وسطي!!! أهااااا طيب كويس يعني هو وسطي!! والله عاد هذا كلامه،وأنا مالي شغل فيه ولا أتحمل أي مسؤوليه تجاه هذا الكلام،ترى أنا مالي خص بهاسوالف وسطيه سياسه ما سياسه مالي شغل بهالأمور ورجاء لا تحاول تجرني لها!! أنا حتى ما ادري وشنهي الوسطيه بس أسمعهم هابين فيها هالأيام!! خلاص خلاص مو مشكلة....طيب هو وش يبيع؟ كيف يعني ويش يبيع؟ يعني وش عنده في هذا الموقع وش يقدم أساساً ليش مسوي موقعه؟ تبيني أعلمك الصدق ؟ يا ليت! الرجال طفش كل ما يرسل للجريده حقته مقالات ما ينشرونها،ولا تسألني وشنهي جريدة!!